Zyrtarët e organizatës botërore raportojnë se mbi 500 njerëz, përfshi edhe fëmijë, janë dhunuar nga luftëtarët në lindje të Republikës Demokratike të Kongos gjatë muajve korrik e gusht.
Numri i publikuar nga OKB-ja është gati dy herë më i lartë se statistikat e deklaruara më herët.
Ndihmëssekretari i OKB-së për operacionet paqeruajtëse tha se edhe paqeruajtësit e Kombeve të Bashkuara janë së paku pjesërisht përgjegjës për mosparandalimin e dhunimeve masive.
