Presidenti i Rusisë, Dimitri Medvedev e ka emëruar këshilltarin e ri për të drejtat e njeriut, avokatin Mihail Fedotov.
Fedotov i tha agjencisë Interfax se ai do të fokusohet në reformat në polici dhe gjyqësi, si dhe të drejtat e fëmijëve dhe familjes.
Ai vjen në vend të Ela Pamfilova, e cila u largua në korrik pasi i kritikoi politikat në vend, përfshirë mungesën e mbrojtjes për aktivistët e të drejtave të njeriut në Çeçeni.
