Radioja shtetërore e Iranit raportoi se autoritetet ia kanë amputuar dorën një hajduti të dënuar para syve të të burgosurve tjerë në qytetin qendror Jazd.
Raporti nuk e identifikoi emrin e 32 vjeçarit dhe nuk dha detaje për krimin e tij.
Gjyqësia në Iran zbaton interpretimin e rreptë të ligjit islamik për dënimet e tilla.
Ky është amputimi i dytë i dorës që u raportua këtë muaj.
Javën e kaluar, gjykatësi urdhëroi t’i pritet dora njeriut i cili kishte vjedhur në një dyqan të ëmbëlsirave.