Lëvizja Vetëvendosje ka vlerësuar se zgjedhjet e 12 dhjetorit u zhvilluan me parregullsi të shumta dhe manipulime, dhe se rezultati i tyre është i kontestueshëm.
Glauk Konjufca ka thënë se zgjedhjeve u ka munguar thelbi, ndershmëria dhe korrektësia.
“Zgjedhjeve të përgjithshme të dhjetorit u mungoi thelbi, ndershmëria dhe korrektësia. Pati shumë manipulime e shkelje në të gjithë Kosovën. Po ashtu aspekti teknik dështoi për shkaqe politike, që zgjedhjet të manipuloheshin”, ka thënë ai për Kosovapress.
