Sekretarja e Shtetit, Hillari Klinton është nisur nga Parisi në Egjipt, ku do të bisedojë me udhëheqësit e përkohshëm që e drejtojnë vendin pas përmbysjes së presidentit Hosni Mubarak.
Pritet që Klinton t'u kërkojë atyre t'u përmbahen zotimeve për reforma demokratike.
Kryediplomatja amerikane gjithashtu do të bisedojë me aktivistët e protestave masovike që përmbysën Mubarakun.
Të mërkurën, Klinton do të udhëtojë në Tunizi, ku filloi vala e protestave në popullore që përfshiu vendet e Lindjes së Mesme.
