Aterim i detyruar në Siberi, 5 të vdekur

Pesë persona kanë vdekur dhe katër janë lënduar rëndë, pasi që një aeroplan rus u përplas gjatë një aterimi të detyruar në një lum në Siberi.

Komiteti rus për Hetime tha se 33 njerëz ishin në bord të aeroplanit, kur ai u përpoq të ateronte në lumin Ob, 2500 kilometra në veri-lindje të Moskës.

Aeroplani raportohet se tentoi të bënte ulje të detyruar për shkak të zjarrit në njërin nga motorët e tij.