Ndërlidhjet

Kameron harron të bijën 8 vjeçe në bar


Kryeministri britanik Dejvid Kameron me bashkëshorten dhe të bijën
Kryeministri britanik Dejvid Kameron me bashkëshorten dhe të bijën
Kryeministri britanik Dejvid Kameron ka pranuar publikisht se ai dhe gruaja e tij e kanë lënë gabimisht vajzën tetë-vjeçare në një bar, pasi që kishin ngrënë drekë me miqtë e tyre disa muaj më parë.

Zyra e Kameronit konfirmoi se vajza e kryeministrit Nensi i ka kaluar rreth 15 minuta në Plough Inn në Kadsden në Bakingemshajër, para se Kameroni dhe gruaja e tij, Samanta, të ktheheshin për ta marrë.

Në njoftim thuhet se incidenti ka ndodhur “disa muaj më parë”.

Aty bëhet e ditur se Kameroni dhe gruaja e tij ishin të “shqetësuar” shumë pas incidentit.

Raportohet se lajmi fillimisht i bërë publik nga gazeta “Sun” e Britanisë, mund ta vë në siklet Kameronin, derisa qeveria e tij, po i jep një shtysë të re ndihmës “për problemet familjare”.
XS
SM
MD
LG