Kosova ka ende shumë objektiva për të përmbushur, të cilat janë kushte të udhërrëfyesit për liberalizim të vizave dhe në këtë proces e presin mjaft sfida. Kështu ka vlerësuar Grupi për Studime Juridike dhe Politike, i cili ka prezantuar analizën e politikave me titull “Një matricë vlerësimi mbi të arriturat dhe sfidat e Kosovës në përmbushjen e udhërrëfyesit për liberalizimin e vizave”.
Fisnik Korenica, nga Grupi për Studime Juridike dhe Politike, ka thënë se analiza e këtij grupi ka treguar që procesi i liberalizimit të vizave në Kosovë duhet të jetë prioritet themelor i Qeverisë së vendit dhe se ajo duhet ta rrisë dinamikën në zbatimin e kushteve të udhërrëfyesit për liberalizimin e vizave.
“Qeveria duhet të rrisë dinamikën në zbatimin e kushteve, përndryshe Kosovës do t’i zgjatet edhe më shumë ky proces, kaq i rëndësishëm për qytetarët e vendit. Përveç kësaj, analiza gjithashtu tregon se procesi apo zbatimi i kushteve të udhërrëfyesit për liberalizimin e vizave, nuk varet thjesht vetëm nga institucionet e Kosovës. Janë disa kushte që varen nga faktorë të jashtëm, siç është dialogu Kosovë - Serbi apo edhe nga vetë autoriteti i Bashkimit Evropian dhe pozicioni i tij përballë KFOR-it dhe EULEX-it”, ka thënë Korenica.
Sipas Grupit për Studime Juridike dhe Politike, sfidat që mbesin dhe për të cilat duhet marrë masa që të përmbushen sa më shpejtë nga ana e Qeverisë së Kosovës, ndahen në disa blloqe, siç janë: siguria e dokumenteve, kufiri shtetëror dhe menaxhimi i migracionit, rendi dhe siguria publike, si dhe të drejtat themelore në lidhje me lirinë e lëvizjes.
Dren Doli, i cili e ka prezantuar analizën e Grupi për Studime Juridike dhe Politike, ka thënë se sa u përket kushteve lidhura me ri-pranimin dhe me ri-integrimin, Kosova ka bërë përparim të dukshëm, por kushtet në disa blloqe mbesin sfidë për institucionet e Kosovës.
“Është e rëndësishme që të thuhet se ‘blloku 2’ dhe ‘blloku 3’, si dhe kryesisht blloku mbi sigurinë publike dhe menaxhimin e kufirit shtetëror, mbeten blloqet ku Kosova ka shënuar progres shumë të ulët, në krahasim me blloqet tjera. Kryesisht, në bllokun 3, objektivat që lidhen me parandalimin dhe luftimin e korrupsionit dhe krimit të organizuar, janë renditur shumë ulët, sipas indeksit që ne e kemi përcaktuar. Në bllokun 2, në lidhje me menaxhimin e kufirit shtetëror, problematike mbetet zbatimi i parimit të menaxhimit të integruar të kufirit në tërë territorin e Kosovës, sidomos në pikat veriore”, ka sqaruar Doli.
Doli ka shtuar se, për t’i eliminuar vështirësitë e përmendura, institucionet e Kosovës duhet ta kenë një koordinim akoma më të mirë me EULEX-in dhe KFOR-in.
Gjithashtu, ai ka potencuar edhe një varg sfidash të tjera, që i presin institucionet e Kosovës.
“Mbetet sfidues plotësimi i objektivave që kanë të bëjnë me kornizën ligjore në fushën e konfiskimit të pasurisë; rritja e aktiviteteve për parandalimin e shpëlarjes së parave dhe pasurisë së pashpjegueshme; rritja e kapaciteteve institucionale për të siguruar transferimin e kompetencave, në luftimin e krimit financiar, nga EULEX-i në institucionet e Kosovës”.
“Gjithashtu edhe ngritja e kapaciteteve të gjykatësve, prokurorëve dhe policisë në luftimin, hetimin dhe gjykimin e rasteve që kanë të bëjnë me krimin financiar, me shpëlarjen e parave, si dhe për korrupsionin dhe në përgjithësi për krimin ekonomik dhe financiar”, ka theksuar Doli.
Ndryshe, vlerësimet që ka dhënë Grupit për Studime Juridike dhe Politike, sipas përfaqësuesve të saj, janë rezultat i një monitorimi disamujor të performancës së institucioneve të Kosovës në përmbushjen e detyrimeve nga udhërrëfyesi.
Në anën tjetër, Qeveria e Kosovës nën koordinimin e Ministrisë për Integrim Evropian dhe të Ministrisë së Punëve të Brendshme, i ka dorëzuar Komisionit Evropian raportin e parë të gatishmërisë për zbatimin e kritereve të dala nga udhërrëfyesi për liberalizimin e vizave.
Ky raport është vazhdimësi e punës dhe zotimeve të institucioneve të Kosovës të bëra në takimin e zyrtarëve të lartë të mbajtur në Bruksel më 14 qershor 2012, me ç’rast, Kosovës i ishte dorëzuar udhërrëfyesi për liberalizimin e vizave.
Fisnik Korenica, nga Grupi për Studime Juridike dhe Politike, ka thënë se analiza e këtij grupi ka treguar që procesi i liberalizimit të vizave në Kosovë duhet të jetë prioritet themelor i Qeverisë së vendit dhe se ajo duhet ta rrisë dinamikën në zbatimin e kushteve të udhërrëfyesit për liberalizimin e vizave.
“Qeveria duhet të rrisë dinamikën në zbatimin e kushteve, përndryshe Kosovës do t’i zgjatet edhe më shumë ky proces, kaq i rëndësishëm për qytetarët e vendit. Përveç kësaj, analiza gjithashtu tregon se procesi apo zbatimi i kushteve të udhërrëfyesit për liberalizimin e vizave, nuk varet thjesht vetëm nga institucionet e Kosovës. Janë disa kushte që varen nga faktorë të jashtëm, siç është dialogu Kosovë - Serbi apo edhe nga vetë autoriteti i Bashkimit Evropian dhe pozicioni i tij përballë KFOR-it dhe EULEX-it”, ka thënë Korenica.
Sipas Grupit për Studime Juridike dhe Politike, sfidat që mbesin dhe për të cilat duhet marrë masa që të përmbushen sa më shpejtë nga ana e Qeverisë së Kosovës, ndahen në disa blloqe, siç janë: siguria e dokumenteve, kufiri shtetëror dhe menaxhimi i migracionit, rendi dhe siguria publike, si dhe të drejtat themelore në lidhje me lirinë e lëvizjes.
Dren Doli, i cili e ka prezantuar analizën e Grupi për Studime Juridike dhe Politike, ka thënë se sa u përket kushteve lidhura me ri-pranimin dhe me ri-integrimin, Kosova ka bërë përparim të dukshëm, por kushtet në disa blloqe mbesin sfidë për institucionet e Kosovës.
“Është e rëndësishme që të thuhet se ‘blloku 2’ dhe ‘blloku 3’, si dhe kryesisht blloku mbi sigurinë publike dhe menaxhimin e kufirit shtetëror, mbeten blloqet ku Kosova ka shënuar progres shumë të ulët, në krahasim me blloqet tjera. Kryesisht, në bllokun 3, objektivat që lidhen me parandalimin dhe luftimin e korrupsionit dhe krimit të organizuar, janë renditur shumë ulët, sipas indeksit që ne e kemi përcaktuar. Në bllokun 2, në lidhje me menaxhimin e kufirit shtetëror, problematike mbetet zbatimi i parimit të menaxhimit të integruar të kufirit në tërë territorin e Kosovës, sidomos në pikat veriore”, ka sqaruar Doli.
Doli ka shtuar se, për t’i eliminuar vështirësitë e përmendura, institucionet e Kosovës duhet ta kenë një koordinim akoma më të mirë me EULEX-in dhe KFOR-in.
Gjithashtu, ai ka potencuar edhe një varg sfidash të tjera, që i presin institucionet e Kosovës.
“Mbetet sfidues plotësimi i objektivave që kanë të bëjnë me kornizën ligjore në fushën e konfiskimit të pasurisë; rritja e aktiviteteve për parandalimin e shpëlarjes së parave dhe pasurisë së pashpjegueshme; rritja e kapaciteteve institucionale për të siguruar transferimin e kompetencave, në luftimin e krimit financiar, nga EULEX-i në institucionet e Kosovës”.
“Gjithashtu edhe ngritja e kapaciteteve të gjykatësve, prokurorëve dhe policisë në luftimin, hetimin dhe gjykimin e rasteve që kanë të bëjnë me krimin financiar, me shpëlarjen e parave, si dhe për korrupsionin dhe në përgjithësi për krimin ekonomik dhe financiar”, ka theksuar Doli.
Ndryshe, vlerësimet që ka dhënë Grupit për Studime Juridike dhe Politike, sipas përfaqësuesve të saj, janë rezultat i një monitorimi disamujor të performancës së institucioneve të Kosovës në përmbushjen e detyrimeve nga udhërrëfyesi.
Në anën tjetër, Qeveria e Kosovës nën koordinimin e Ministrisë për Integrim Evropian dhe të Ministrisë së Punëve të Brendshme, i ka dorëzuar Komisionit Evropian raportin e parë të gatishmërisë për zbatimin e kritereve të dala nga udhërrëfyesi për liberalizimin e vizave.
Ky raport është vazhdimësi e punës dhe zotimeve të institucioneve të Kosovës të bëra në takimin e zyrtarëve të lartë të mbajtur në Bruksel më 14 qershor 2012, me ç’rast, Kosovës i ishte dorëzuar udhërrëfyesi për liberalizimin e vizave.
