Ndërlidhjet

Policia arreston një person në "rastin Dibrani"


Familja Dibrani
Familja Dibrani
Autoritetet e rendit në Mitrovicë kanë bërë të ditur përmes një komunikate se kanë arrestuar një person të dyshuar për sulmin e ndodhur ditën e dielë në Mitrovicë.

Bëhet fjalë për sulmin e raportuar ndaj familjes së Leonarda Dibranit, emri i së cilës u bë i njohur edhe për mediat botërore, për shkak të dëbimit të saj nga Franca.

Familja Dibrani ka prejardhje etnike rome.

Duke dhënë vetëm inicialet e viktimës, XH.D., policia njofton se “ajo ishte sulmuar me një shuplakë në fytyrë nga i dyshuari R. B. mashkull rreth 42 vjeç, i përkatësisë etnike rome, i cili në momentin e incidentit ishte i shoqëruar nga bashkëshortja e tij E. B. femër rreth 35 vjeçare, e përkatësisë rome”.

“Duke pasur parasysh deklaratat dhe rrethanat e incidentit dyshohet se dy familjet e përfshira në rast për motiv kanë pasur çështje familjare të mëhershme në mes veti”, thuhet në komunikatën e policisë, në të cilën gjithashtu sqarohet se të dyshuarit, i është caktuar masa e ndalimit prej 48 orësh.
XS
SM
MD
LG