Ministri i jashtëm gjerman, Guido Westerwelle, tha sot se bisedimet për programin bërthamor të Iranit ende “nuk janë punë e kryer”.
Zoti Westerwelle mëtutje ka theksuar se “ka gjasë reale për marrëveshje, por ende duhet të kryhen shumë punë”.
Këto komente ai i bëri në Gjenevë të Zvicrës, ku ministrat e jashtëm të gjashtë fuqive botërore janë mbledhur, duke shpresuar se në bisedime me Iranin, do të arrihet kthesë vendimtare lidhur me programin e kontestuar atomik të këtij vendi.
Më herët është raportuar se përfaqësuesja e lartë e Bashkimit Evropian për politikë të jashtme dhe siguri, Catherine Ashton, dhe ministri i jashtëm i Iranit, Javad Zarif, kanë arritur “progres në çështjet thelbësore” gjatë bisedimeve të djeshme.
Mediat kineze e kanë cituar një burim në Ministrinë e jashtme të Kinës, që ka thënë se bisedimet e “kanë arritur momentin final”
Grupi P5+1, që përbëhet nga Shtetet e Bashkuara, Rusia, Britania, Franca, Kina dhe Gjermania, i ofron Iranit zbutje të kufizuar të sanksioneve ndërkombëtare në këmbim për suspendimin e disa aspekteve të programit të tij bërthamor.
Zoti Westerwelle mëtutje ka theksuar se “ka gjasë reale për marrëveshje, por ende duhet të kryhen shumë punë”.
Këto komente ai i bëri në Gjenevë të Zvicrës, ku ministrat e jashtëm të gjashtë fuqive botërore janë mbledhur, duke shpresuar se në bisedime me Iranin, do të arrihet kthesë vendimtare lidhur me programin e kontestuar atomik të këtij vendi.
Më herët është raportuar se përfaqësuesja e lartë e Bashkimit Evropian për politikë të jashtme dhe siguri, Catherine Ashton, dhe ministri i jashtëm i Iranit, Javad Zarif, kanë arritur “progres në çështjet thelbësore” gjatë bisedimeve të djeshme.
Mediat kineze e kanë cituar një burim në Ministrinë e jashtme të Kinës, që ka thënë se bisedimet e “kanë arritur momentin final”
Grupi P5+1, që përbëhet nga Shtetet e Bashkuara, Rusia, Britania, Franca, Kina dhe Gjermania, i ofron Iranit zbutje të kufizuar të sanksioneve ndërkombëtare në këmbim për suspendimin e disa aspekteve të programit të tij bërthamor.