Ndërlidhjet

Irak: Militantët kanë kryer krime lufte kundër pakicës jazidi


Pamje e një pjese të Bagdadit
Pamje e një pjese të Bagdadit

Ministri për të drejta të njeriut në Irak, Mohammed Shi al-Sudani, i ka sot akuzuar militantët e Shtetit Islamik se kanë kryer krime të luftës në pjesën veriore të Irakut, meqë i kanë vrarë qindra pjesëtarë të minoritetit religjioz, jazidi.

Mëtutje ai i akuzoi militantët se i kanë varrosur disa viktima të gjalla, përfshirë fëmijë dhe gra, dhe për trajtimin e grave si skllave.

Zoti Sudani tha se ata i kanë festuar “mizoritë e egra” me brohoritje dhe qitje me armë në ajër, duke i lënë viktimat e “shpërndara në varre masive në dhe rreth Sinjarit”, prej se e kanë okupuar këtë vendbanim para një jave.

Shefja e politikës së jashtme të Bashkimit Evropian, Catherine Ashton, ka thënë dje se ndoshta militantët kanë kryer “krime kundër njerëzimit” në pjesën veriore të Irakut.

Militantët islamistë thonë se i konsiderojnë pjesëtarët e minoritetit jazidi si “besimtarë të djallit” dhe i kanë urdhëruar ata që të kthehen në islamizëm ose në të kundërtën, ballafaqohen me ekzekutim.

Shumë pjesëtarë të këtij minoriteti kanë ikur në malet në veri të vendbanimit Sinjar.

XS
SM
MD
LG