Ndërlidhjet

Moskë: Putin dhe Poroshenko biseduan për krizën në Ukrainë


Putin (majtas) dhe Poroshenko gjatë takimit të tyre të fundit në Minsk më 26 gusht
Putin (majtas) dhe Poroshenko gjatë takimit të tyre të fundit në Minsk më 26 gusht

Dmitry Peskov, zëdhënës i Kremlinit, tha se presidenti rus, Vladimir Putin, dhe ai ukrainas, Petro Poroshenko, me telefon kanë biseduar për krizën në Ukrainë dhe se pikëpamjet e tyre për zgjidhjet e mundshme “janë përputhur në një masë substanciale”, kanë raportuar agjencitë ruse të lajmeve.

“Shefat e shteteve kanë këmbyer opinione për atë se çka kërkohet të bëhet së pari me qëllim që të përfundoj gjakderdhja në pjesën juglindore, sa më shpejtë që të jetë e mundur”, ka thënë Peskov, dhe ka shtuar se “pikëpamjet e presidentëve të dy vendeve, për dalje të mundshme nga kjo krizë e vështirë, përputhen në një shkallë substanciale”.

Putin dhe Poroshenko janë takuar javën e kaluar në Minsk të Bjellorusisë, por nuk ishte bërë progres i qartë drejt përfundimit të konfliktit, nga i cili janë vrarë më se 2,600 vetë, prej muajit prill të këtij viti.

Luftimet janë intensifikuar gjat javëve të fundit dhe qeveria e Ukrainës dhe Perëndimi e kanë akuzuar Rusinë se ka vendosur trupa në Ukrainë.

Këtë akuzë Rusia e ka hedhur poshtë.

XS
SM
MD
LG