Një grup i paqeruajtësve të Kombeve të Bashkuara, i rrëmbyer nga një grup që ka lidhje me Al Kaidën në Lartësitë Golan, është liruar.
Kombet e Bashkuara kanë thënë se të 44 ushtarët nga Fixhi janë dorëzuar sot te personeli i OKB-së në këtë rajon.
Deklarata thotë se paqeruajtësit nuk janë të plagosur.
Lufëtarët nga fronti Al Nusra i kanë rrëmbyer ata dy javë më herët.
Paqeruajtësit kanë shërbyer në kuadër të personelit të OKB-së, që monitoron armëpushimin e vitit 1974 midis Izraelit dhe Sirisë në Lartësitë Golan.