Shpërthimi i Ebolës kërcënon të bëhet krizë politike që mund të zhbëjë përpjekjet për të stabilizuar Afrikën perëndimore, paralajmëron Grupi Ndërkombëtar i Krizave.
“Vendet e goditura më së keqi përballen me kaos dhe kolaps potencial”, thuhet në reagimin e tij.
Shpërthimi më i madh në botë i Ebolës ka shkaktuar 2,811 viktima deri më tani, shumica në Guiene, Liberi dhe Siera Leone.
Kombet e Bashkuara kanë paralajmëruar se të infektuarit mund të trefishohen deri në muajin nëntor, duke kapur shifrën 20,000.
Organizata Botërore e Shëndetësisë ka thënë se kjo mund të ndodhë, nëse përpjekjet për të trajtuar krizën nuk rriten.