Policia e Kosovës ka filluar një aksion të gjerë në disa rajone të Kosovës, ka konfirmuar për Radion Evropa e Lirë, Baki Kelani, zëdhënës në Policinë e Kosovës.
Kelani ka njoftuar se janë arrestuar disa persona dhe janë bastisur disa lokacione.
Për shkak të hetimeve dhe faktit se operacioni është ende në vazhdim, zoti Kelani nuk ka dhënë informacione të tjera.
Mediat vendore në Kosovë njoftojnë jozyrtarisht se bëhet fjalë për një rrjet të krimit të organizuar.
