Një gjykatë spanjolle e ka miratuar arrestimin e një zyrtari opozitar të Kazakistanit, i cili tash ka gjasë që të ekstradohet në Kazakistan.
Muratbek Ketebaev është arrestuar të shtunën në një hotel në Madrid.
Me kërkesë të qeverisë kazake ndaj tij ishte lëshuar urdhër-arrest nga Interpoli.
Pas arrestimit, një gjykatë spanjolle e ka refuzuar kërkesën për lirim me kusht të 57 vjeçarit, i cili do të qëndroj në paraburgim, në pritje të ekstradimit.
Katebaev, një bashkëthemelues i partisë opozitare në Kazakistan, kishte ikur nga vendi i tij në vitin 2011, në kohën kur ishte shtuar presioni i qeverisë ndaj kritikëve.
Në vitin 2013 ai e kishte marrë statusin e refugjatit në Poloni.
Qeveria e Kazakistanit e ka akuzuar atë në lidhje me trazirat e vitit 2011 dhe për planifikimin e një sulmi terrorist për vitin tjetër.
