Mediat shtetërore të Iranit raportojnë se parlamenti e ka ftuar ministrin e jashtëm, Javid Zarif, që të raportoj në lidhje me shetitjen e tij të fundit me Sekretarin amerikan, John Kerry, gjatë negociatave bërthamore në Gjenevë.
Zarif, i cili i udhëheq bisedimet bërthamore të Iranit me gjashtë fuqitë botërore, e ka bërë një shetitje 15 minutëshe me Sekretarin Kerry nëpër rrugët e Gjenevës më 14 janar.
Të shtunën, gazetat iraniane kanë raportuar se 21 anëtarët e parlamentit, e kanë nënshkruar një peticion, përmes të cilit kërkojnë raportim nga ana e Zarif.
Peticioni të cilin e ka publikuar agjencia Fars, thotë se shetitja është jashtë normave të diplomacisë, andaj edhe kanë kërkuar shpjegim nga Zarif.