Avokati i pilotes ukrainase Nadia Savchenko, e cila po mbahet në një burg rus, thotë se klentja e tij është e vendosur ta vazhdoj grevën ndonëse tashmë kanë kaluar 50 ditë që nga fillimi i grevës.
Mark Feigin, tha sot se Savchenko ka humbur shumë peshë por mbetet e vendosur që të vazhdoj grevën dhe ta mbroj pafajësinë e saj në gjykim.
Feigin tha se e ka vizituar pilten në një qendër mjekësore të burgut.
Ajo në spital është dërguar më 29 janar, për shkak të përkeqësimit të gjendjes dhe humbja e madhe e peshës për një kohë të shkurtër.
Savchenko është kapur nga separatistët pro-rusë në muajin qershor ndërsa në korrik, ajo është transferuar në një burg në Rusi.
Ajo fillimisht ishte akuzuar për përfshirjen në vrasjen e dy gazetarëve rusë, të cilët po e mbulonin konfliktin në lindje të Ukrainës.
Së fundi ajo akuzohet edhe për kalim të kufirit në mënyrë ilegale.
Zyrtarët rusë i kanë hedhur poshtë kërkesat e Kievit dhe Perëndimit për lirimin e saj.