Rusia ka dorëzuar në Këshillin e Sigurimit të Kombeve të Bashkuara një projekt-rezolutë për Srebrenicën, për t’iu kundërvënë projekt-rezolutës që ka hartuar Britania.
Dokumenti britanik reflekton mbi dështimin e OKB-së për të parandaluar masakrën e Srebrenicës dhe vjen në prag të 20-vjetorit të saj.
Në korrik të vitit 1995, forcat serbe të Bosnjës kanë vrarë rreth 8,000 burra dhe djem myslimanë në Srebrenicë.
Rusia ka thënë se projekt-rezoluta britanike është përçarëse dhe fokusohet vetëm në keqbërjet e serbëve.
Këshilli i Sigurimit i OKB-së pritet të diskutojë për dokumentin britanik më 7 korrik.
