Ish-guvernatori republikan i Teksasit, Rick Perry, është tërhequr nga gara për president të Shteteve të Bashkuara.
Ai ka luftuar për të mbledhur para për fushatën e tij, ndërkohë që ka qenë në fund të sondazheve të opinionit.
Perry ka thënë se tërhiqet duke e ditur se partia e tij është në duar të mira.
Megjithatë, ai ka paralajmëruar republikanët që të lënë anash qëndrimet e ashpra mbi migracionin, që mund të armiqësojnë hispanikët amerikanë.
“Në Amerikë ka rëndësi përmbajtja e karakterit tuaj dhe jo ngjyra e lëkurës”, ka thënë Perry.
Zgjedhjet presidenciale në SHBA mbahen në vitin 2016.
