Muaji i zymtë i mjaltit

Një muaj pas martesës, Sayid dhe Amira shitën gjithë pasurinë e tyre që kishin në kryeqytetin e Sirisë, Damask, dhe vendosën të marrin një rrugë të rrezikshme drejt një jete të re në Bashkimin Evropian. Radio Evropa e Lirë ka udhëtuar me ta nëpër të ashtuquajturin “Rrugëtim Ballkanik”, drejt një jete të re, rrugë të cilën e kishin marrë edhe qindra mijëra njerëz të dëshpëruar nga Siria dhe vatrat tjera të luftës. Kjo është storia e krizës më të madhe të refugjatëve në Evropë që nga Lufta e Dytë Botërore, që tregohet nga sytë e një çifti të ri.