Ndërlidhjet

Ministri Bajrami ftoi të gjitha palët që të krijojnë stabilitet në UP


Foto arkivi.
Foto arkivi.

Ministri i Arsimit, Shkencës dhe Teknologjisë, Arsim Bajrami, në një konferencë për media ka folur rreth zhvillimeve të fundit në Universitetin “Hasan Prishtina” në Prishtinë dhe vendimin për shfuqizimin e vendimit të Këshillit Drejtues për shkarkimin e rektorit,Ramadan Zejnullahu.

Përmes një komunikate për media bëhet e ditur se “ministri Bajrami fillimisht ka uruar të gjithë qytetarët e Kosovës për pranimin e vendit tonë në UNESCO.”

“Në këto ditë shumë të gëzueshme kur po trasojmë rrugën e integrimit evropian, ne kemi shqetësime të përbashkëta për gjendjen jo të mirë dhe zhvillimet shqetësuese në Universitetin e Prishtinës dhe kemi ndarë këto shqetësime me profesorët dhe studentët, sepse MAShT dhe Qeveria e Kosovës janë të vendosur për të krijuar një stabilitet funksional të Universitetit. Ky vit është shpallë si vit i ngritjes dhe demonstrimit substancial të cilësisë”.

Ministri Bajrami ka përmendur mbështetjen që i është bërë Universitetit të Prishtinës dhe rektorit “për reformat, si dhe për përpjekjet për ndërtimin e standardeve të larta të cilësisë dhe rendit akademik.”

“Interesi publik dhe i studentëve është që në Universitet të ketë zgjidhje të problemeve me marrëveshje dhe jemi kundër cilësdo krizë dhe sidomos kundër logjikës së shkarkimeve, sepse kjo logjikë gjithmonë e ka penguar Universitetin e Prishtinës”, tha ministri Bajrami, ndërsa theksoi se kemi punuar shumë që këtë Universitet ta mbështesim me donatorë dhe i kemi siguruar mbështetje të fuqishme.” thuhet në njoftim.

Vendimin për shkarkimin e rektorit, ministri Bajrami e ka vlerësuar të përshpejtuar dhe të pamatur dhe ka thënë “se ky vendim nuk do ta nxirrte Universitetin nga kriza, por do ta fuste në një krizë edhe më të thellë.”

XS
SM
MD
LG