Së paku 27 njerëz kanë vdekur dhe 180 të tjerë janë shtruar në spital si pasojë e zjarrit që ka përfshirë një klub nate në Bukuresht të Rumanisë.
Rreth 400 veta kanë qenë të pranishëm në klubin Colectiv, ku është mbajtur një rock-koncert.
Presidenti rumun, Klaus Iohannis, ka thënë se ka indikacione se mospërfillja e rregullave të sigurisë ka luajtur rol në tragjedi.
“Kemi tashmë indikacione se rregullat ligjorë nuk janë respektuar”, ka thënë Iohannis.
Thuhet se ky është incidenti më i keq që ka goditur Bukureshtin në dekada.