Militantët e Al-Shababit kanë sulmuar një hotel në kryeqytetin e Somalisë, Mogadishu, duke vrarë së paku 15 veta.
Personat e armatosur kanë përdorur dy makina bombë për të sulmuar hotelin Sahafi, ka thënë policia.
Viktimat përfshijnë së paku një deputet dhe gjeneralin që ka udhëhequr ofensivën e vitit 2011 për dëbimin e Al-Shababit nga Mogadishu.
Trupat e Bashkimit Afrikan dhe forcat qeveritare kanë thënë se kanë rikthyer kontrollin e hotelit pas një beteje me armë zjarri.
Hoteli frekuentohet shumë nga anëtarë të Parlamentit të Somalisë.