Finlanda ka thënë se rritja e numrit të azilkërkuesve ka rritur edhe kërcënimin e terrorizmit në këtë vend.
Shërbimi i Inteligjencës së Finlandës ka thënë se është duke monitoruar rreth 300 persona për lidhje të mundshme me grupet militante islamike.
Disa prej tyre janë në mesin e 25,000 azilkërkuesve që kanë arritur në Finlandë këtë vit.
Grupet militante që bëjnë përpjekje për të rekrutuar njerëz, tani kanë prani në Finlandë, ka thënë përmes një deklarate Shërbimi i Inteligjencës së Finlandës.
Drejtori i kësaj agjencie, Antti Pelttari, ka thënë se niveli i kërcënimit të terrorizmit është rritur nga “shumë i ulët” në “i ulët”.
Mbi 700,000 migrantë, shumica e tyre nga Siria, Afganistani dhe Afrika, kanë arritur në Evropë këtë vit.