Një rekord prej 1.72 milion njerëzish e kanë vizituar gjatë vitit që lam pas kampin Auschwitz-Birkenau, ka njoftuar sor muzeu që gjendet në jug të Polonisë.
Drejtori i muzeut, Piotr Cywinski, njoftoi sot përmes një komunikate, se vizita në kamp nuk është vetëm “një mësim për historinë” por gjithashtu një moment i reflektimit “mbi përgjegjësinë tonë për gjendjen në të cilën ndodhet bota në ditët e sotme”.
Në vitin 2014, kampi ishte vizituar nga 1.53 milion turistë.
Auschwitzi ka qenë kampi më i madh i ndërtuar nga gjermanët. Ai ka përfshirë përqendrimin, asgjësimin dhe punën e detyruar, ndërsa ka qenë i vendosur rreth 37 milje në perëndim të Krakovit, pranë kufirit të paraluftës gjermano-polak.
Rreth 1.1 milion njerëz, duke përfshirë një milion hebrenj nga e gjithë bota, u vranë nga Gjermania naziste në kamp nga 1940 deri më 1945.
Viktimat e tjera ishin polakë jo-hebre dhe të burgosur sovjetikë
Vitin e kaluar rreth 425 mijë ploakë e kanë vizituar kompleksin, ndërsa vizitorët e tjerë kanë qenë 220 mijë britanikë, 141 mijë amerikanë, 93 mijë gjermanë si dhe dhjetëra mijëra të tjerë nga Italia, Spanja, Izraeli, Franca e vende të tjera.
Faqja e internetit e Auschwitz-Birkenau gjatë vitit të kaluar ka pasur mbi 25 milionë vizita derisa faqja zyrtare në Facebook ka arritur të ketë 200 mijë pëlqime.