Dhjetëra policë afganë raportohet se janë vrarë gjatë dy ditëve të kaluara në luftimet e ashpra në provincën jugore, Helmand.
Komandanti i policisë në këtë provincë, Esmatullah Dawlatzai, tha se dje dhe sot më tepër se 50 policë janë vrarë dhe 50 të tjerë janë plagosur.
Sipas raporteve, luftëtarët talibanë i kanë sulmuar pjesëtarët e policisë në disa pika të kontrollit në provincë.
Në Helmand gjatë vitit të kaluar talibanët kanë ndërmarrë ofensiva madhore në përpjekje për përmbysjen e qeverisë së Afganistanit në Kabul.