Ndërlidhjet

Trump e ka mbrojtur emërimin e Tillersonit për sekretar të shtetit


Donald Trump duke folur mbrëmë në Viskonsin

Presidenti i zgjedhur amerikan, Donald Trump, e ka mbrojtur të nominuarin e tij për sekretar amerikan të shtetit, Rex Tillerson, si “diplomat të mrekullueshëm” i cili “do t’i kthejë vitetet e gabimeve në poltiikën e jashtme”, duke qenë se është “mbrojtës i fuqishëm” i interesave të Shteteve të Bashkuara.

Mëtutje, në një tubim në Viskonsin, mbrëmë vonë, Trump e ka lavdëruar zotin Tillerson, se është njëri nga biznesmenët më të suksesshëm në botë, me një karrierë që është “realizim i ëndrrës amerikane”.

Derisa shumë anëtarë të Kongresit të Shteteve të Bashkuara i kanë kritikuar lidhjet e zotit Tillerson me presidentin e Rusisë, Vladimir Putin, Donald Trump tha se kjo është gjë e mirë.

“Rex është mik me shumë liderë në botë dhe disave kjo nuk u pëlqen”, tha Trump, dhe ka shtuar se “ata nuk dëshirojnë që ai të jetë miqësor”.

XS
SM
MD
LG