Ndërlidhjet

Kryeministri izraelit e kritikoi ashpër presidentin Obama


Benjamin Netanyahu gjatë një fjalimi në Kombet e Bashkuara

Kryeministri i Izraelit, Benjamin Netanyahu, e ka kritikuar ashpër presidentin amerikan, Barack Obama, një ditë pasi Shtetet e Bashkuara abstenuan nga votimi për një rezolutë të Këshillit të Sigurimit të Kombeve të Bashkuara, me të cilën i bëhet thirrje Izraelit që ta ndalë ndërtimin e vendbanimeve në Bregun Perëndimor.

Mbrëmë, zoti Netanyahu tha se ky veprim ishte “grackë e turpshme anti-izraelite” dhe tha se vetë rezoluta është “zhgënjyese”.

Kjo ishte hera e parë që Këshilli i Sigurimit i Kombeve të Bashkuara, e ka kaluar një rezolutë për çështjen e vendbanimeve prej vitit 1979.

Netanyahu tha se e ka urdhëruar Ministrinë e jashtme që t’i rishqyrtoj “të gjitha angazhimet e Izraelit në OKB, përfshirë financimin izraelit për agjencitë e Kombeve të Bashkuara dhe praninë e përfaqësuesve të OKB-së në Izrael” brenda një muaji.

XS
SM
MD
LG