Ndërlidhjet

Turqi: Nis gjykimi ndaj personave që dyshohet se morrën pjesë në përpjekjet për puç


Ushtria turke duke shoqëruar në gjykatë personat që akuzohen se kanë marrë pjesë në puçin ushtarak
Ushtria turke duke shoqëruar në gjykatë personat që akuzohen se kanë marrë pjesë në puçin ushtarak

Në Turqi ka nisur gjykimi ndaj 220 të dyshuarve, që akuzohen se kanë qenë në krye të grushtshtetit të dështuar, të vitit të kaluar.

Njëzetëegjashtë ish-gjeneralë janë në mesin e të pandehurve në këtë gjykim, i cili ka nisur në gjykatën e një burgu, jashtë Ankarasë.

Qeveria e presidentit, Recep Tayyip Erdogan pretendon se grushtshteti i dështuar i 15 korrikut është orkestruar nga kleriku Fethullah Gulen, i cili mohon çdo përfshirje.

Gulen, i cili jeton në Pensilvani të Shteteve të Bashkuara, është njëri prej 221 të dyshuarve që përmendet në aktakuzë. Megjithatë, ai është në mesin e 9 personave që nuk janë në paraburgim, ndërkaq të tjerët janë paraqitur para gjykatës.

Të pandehurit janë sjell në gjykatën që gjendet në burgun në Sincan, nga forcat e sigurisë.

Dhjetëra protestues, të cilët bartnin flamurin e Turqisë kanë bërtitur “duam dënim me vdekje”, teksa të dyshuarit janë futur në gjykatë.

Në mesin e të akuzurvae janë ish-shefi i forcave ajrore Akin Ozturk dhe Mehmet Disli, që është vëllai i një zyrtari të lartë të partisë në pushtet, Saban Dislin.

Që prej grushtshtetit të dështuar, mbi 47 mijë persona janë arrestuar në Turqi, nën dyshimin se kanë lidhje me lëvizjen e Gulenit.

Zyra e Erdoganit ka thënë se në përpjekjet për grushtshtet janë vrarë 248 persona- një shifër kjo që nuk përfshinë 24 puçistët e dyshuar, që janë vrarë gjatë dhunës.

XS
SM
MD
LG