Ndërlidhjet

Një 12 vjeçe në Pakistan vritet për shkak të "nderit"


Pakistan

Një vajzë 12 vjeçe në Pakistan u vra nga familja e saj, pasi u arratis me një djalë.

Zyrtari lokal në qarkun Khiber, Niaz Muhammad, tha se vajza me emrin Naghma ka lënë shtëpinë e saj në fshatin Kadej, më 23 qershor, përpara se të ndalohej nga zyrtarët e sigurisë.

Muhammad tha se Naghma i është dorëzuar familjes, e cila ka premtuar se ajo nuk do të dëmtohet.

Por, zyrtari tha se vajza është vrarë "për shkak të nderit, me gjasë më 27 qershor, nga familja e saj".

Një banor lokal tha se vajza është qëlluar për vdekje.

Muhammad tha se vrasësit e dyshuar - në mesin e tyre xhaxhai i Naghmas dhe djali i tij - janë arrestuar.

Të ashtuquajturat vrasje për nder raportohen çdo vit në Pakistan.

XS
SM
MD
LG