Ndërlidhjet

Lirohen nga arresti shtëpiak të dyshuarit për sulmin ndaj Kuvendit


Ndertesa e Kuvendit pas sulmit, gusht 2016

Gjykatën Themelore në Prishtinë ka liruar nga arresti shtëpiak katër aktivistët e Lëvizjes Vetëvendosje të akuzuar për sulmin kundër Kuvendit të Kosovës.

Lajmin e ka konfirmuar avokati, Tomë Gashi.

“Në seancën e mbajtur sot, më 22.08.2017, Gjykata Themelore në Prishtinë ka liruar katër aktivistët e Lëvizjës Vetëvendosje, Frashër Krasniqi, Adea Batusha, Atdhe Arifi dhe Egzon Haliti nga arresti shtëpiak, respektivisht nga paraburgimi”, ka njoftuar Gashi.

Të katër aktivistët e Vetëvendosjes, tani e tutje do të mbrohen në liri.

Ata dyshohen për sulmin me mjet shpërthyes kundër Kuvendit të Kosovës që ka ndodhur në mbrëmjen e 4 gushtit të vitit të kaluar.

Lidhur me këtë rast, përpos të akuzuarve të tanishëm, të akuzuar ishin edhe Petrit Ademi, ndaj të cilit pushuan hetimet, si dhe Astrit Dehari, i cili vdiq në Qendrën e Paraburgimit në Prizren.

XS
SM
MD
LG