Ndërlidhjet

Ushtria irakiane ofenzivë në kufirin sirian


Ilustrim

Ushtria irakiane ka nisur një ofenzivë për të rimarrë nga luftëtarët ekstremistë, Shteti Islamik (IS), një qytet kyç në kufi me Sirinë.

Një zëdhënës i Komandës së përbashkët operacionale të Irakut, tha se forcat e tyre, po merrnin aksione në qytetin e Akashat-it, si pjesë e përpjekjeve të qeverisë për të fituar kontroll në kufirin e saj.

Militantët e grupit ekstremist, Shteti Islamik, kanë marrë zonën në vitin 2014, duke kontrolluar edhe qytete tjera strategjike përgjatë kufirit, qytetin Qimit, Rava dhe Ana.

Iraku ka bërë fitore të konsiderueshme kundër ISIS-it në muajt e fundit. Në korrik, qeveria ka rimarrë qytetin e Mosulit dhe në gusht, qytetin Tel Afar.

ISIS ende kontrollon Haëja në provincën Kirkuk dhe provincën Anbar, pjesë këto të pasura me naftë.

XS
SM
MD
LG