Ndërlidhjet

Haga miraton vizitën e mjekëve serbë te Mlladiqi


Ratko Mlladiq

Tribunali i Hagës miratoi vizitën e mjekëve serbë te ish-komandanti serb i Bosnjës, Ratko Mlladiq, i akuzuar për gjenocid dhe krime kundër njerëzimit gjatë luftës në Bosnje.

Letra nga sekretariati i gjykatës nuk i përcakton datat e vizitës.

Mbrojtja e Mlladiqit konsideron se vizita e mjekëve serbë është e domosdoshme, përpara se të kërkojë lirimin e përkohshëm të Mlladiqit për trajtim mjekësor në Serbi.

Qeveria e Serbisë ka dhënë tashmë garanci për lirimin e përkohshëm të tij.

Kërkesa e mëhershme e mbrojtjes që Mlladiq të dërgohet në Rusi për shërim, është refuzuar nga Tribunali me arsyetimin se nuk ka siguri se i akuzuari do të kthehet në Hagë.

Shpallja e aktgjykimit për Mlladiqin pritet të bëhet më 22 nëntor.

Javën e kaluar, mbrojtja ka kërkuar që vendimi të shtyhet derisa mejkët të përcaktojnë nëse Mlladiq është mentalisht dhe fizikisht i aftë për të marrë pjesë në proces.

XS
SM
MD
LG