Ndërlidhjet

Mugabe mund ta humbë presidencën brenda dy ditësh


Presidenti i Zimbabvesë, Robert Mugabe.

Partia e presidentit të Zimbabvesë, Robert Mugabe, nis sot procedurat për shkarkimin e tij.

Një zyrtar i partisë Zanu-PF tha se mocioni për ta hequr atë nga presidenca do t’i paraqitet parlamentit sot dhe se procesi mund të zgjasë vetëm dy ditë.

Mocioni e ngarkon Mugaben me disa akuza, përfshirë lejimin e gruas së tij, Grace, “të uzurpojë fuqi kushtetuese”.

Liderët ushtarakë kanë marrë kontrollin e Zimbabvesë javën e kaluar.

Mugabe ka refuzuar kërkesën e partisë për të dhënë dorëheqje.

Mugabe, 93 vjeç, ka dominuar skenën politike të Zimbabvesë prejse vendi ka shpallur pavarësinë nga Mbretëria e Bashkuar në vitin 1980.

XS
SM
MD
LG