Zyrtarët afganë kanë thënë janë vrarë tre personat, të cilët sot kishin nisur një sulm afër një qendre trajnuese të inteligjencës në Kabul.
Grupi militant, Shteti Islamik e ka marrë përgjegjësinë për sulmin.
Zëvendës zëdhënësi i ministrisë së Brendshme të Afganistanit, Nasrat Rahimi ka thënë se është duke u pastruar zona Afshar, pasi disa persona në një ndërtesë afër qendrës së trajnimit kishin nisur luftime me forcat e sigurisë.
Ende nuk është raportuar për viktima në mesin e forcave të sigurisë apo civilëve.
Rahimi ka thënë se sulmuesit ishin vendosur në ndërtesën e papërfunduar ende, duke targetuar qendrën e trajnimit.
Sipas tij militantët kanë përdorur amë të lehta dhe granata.
Sipas raportimeve fillestare thuhet se sulmuesit kanë qenë të veshur me uniforma policore.
Të dy palët, talibanët dhe grupi militant, Shteti Islamik kanë kryer sulme në të kaluarën në Kabul.
Më 17 dhjetor, militantët talibanë kanë sulmuar dy vende në jug të provincës Helmand, duke lënë të vdekur 11 policë.
Talibanët, që kanë shumë prezencë në Helmand e kanë marrë përgjegjësinë për sulmin.
