Ndërlidhjet

Lajm i jashtëzakonshëm

Sulm vetëvrasës në Kabul, gjashtë persona të vdekur


Forcat e sigurisë afgane dhe ato amerikane gjatë kontrollimit të zonës ku ka ndodhur një sulm javën e kaluar në Kabul, foto nga arkivi

Një sulm vetëvrasës ka ndodhur sot afër Agjencisë Kombëtare për Inteligjencë në Kabul, duke lënë të vdekur gjashtë civilë, kanë thënë forcat e sigurisë.

Zëdhënësi i ministrisë së Brendshme, Nasrat Rahimi, ka thënë se sulmi ka ndodhur gjatë mëngjesit të sotëm, afër hyrjes së kësaj agjencie.

Selia e ambasadës amerikane dhe ajo e NATO-s gjenden po ashtu në këtë zonë.

Zëdhënësi i ministrisë për Shëndetin Publik, ka thënë se tre persona janë lënduar dhe dërguar në spital për trajtim.

Forcat e sigurisë kanë mbyllur rrugën kryesore që të dërgon tek kjo zonë.

Një tjetër zëdhënës i ministrisë së Brendshme, Najib Danish i ka thënë agjencisë AFP, se gjashtë civilë janë vrarë derisa ishin duke udhëtuar me makinën e tyre kur sulmuesi që po ecte në këmbë ka aktivizuar bombën.

“Ende nuk e dimë cakun e sulmit, mirëpo ka ndodhur në rrugën kryesore”, ka thënë zëdhënësi Danish.

Grupi militant, Shteti Islamik e ka marrë përgjegjësinë për sulmin.

Talibanët dhe militantët e grupi ekstremist, Shteti Islamik kanë kryer disa sulme në Kabul në të kaluarën.

XS
SM
MD
LG