Ndërlidhjet

Katër palestinezë të vrarë në përleshje me izraelitët


Protestuesit palestinezë në përleshjet rreth kufirit, Gaza-Izrael.

Trupat izraelite kanë vrarë katër protestues palestinezë dhe kanë plagosur 200 të tjerë në kufirin Izrael-Gaza, kanë njoftuar zyrtarë mjekësorë të Gazës, duke rritur në 24 numrin e të vdekurve në javën e fundit.

Ata kanë thënë se demonstruesit, duke përfshirë një 16 vjeçar, janë vrarë në protestën e cila ka filluar më 30 mars.

Protestuesit, përfshirë edhe disa refugjatë janë duke kërkuar kthimin në tokën që tani i përket Izraelit.

Ata kanë ngritur disa kampe pak metra larg kufirit me Izraelin.

Numri i protestuesve ka qenë më i vogël, krahasuar me protestën e 30 marsit, në të cilën kanë vdekur 17 palestinezë.

Ushtria izraelite ka deklaruar se në protestën e të premtes janë mledhur rreth 20,000 persona.

Izraeli ka thënë se protestat janë urdhëruar nga grupi militant, Hamas, në mënyrë që protestuesit të kalojnë ilegalisht në territor dhe të nisin sulmet.

XS
SM
MD
LG