Ndërlidhjet

Harvey Weinstein do t’i dorëzohet policisë


Harvey Weinstein

Producenti i filmit në Hollywood, Harvey Weinstein, pritet t’i dorëzohet policisë në Nju Jork, pas akuzave për sjellje të pahijshme seksuale, raportojnë mediat amerikane.

Ai është goditur me një numër akuzash, përfshirë përdhunimin dhe sulmin seksual, por ka mohuar se ka pasur me dikë marrëdhënie seksuale pa marrëveshje.

Akuzat nxitën krijimin e lëvizjes #MeToo (Edhe unë), e cila ka për qëllim të tregojë abuzimet dhe ngacmimet e përhapura seksuale.

Figura të profilit të lartë nga bota e filmit, por jo vetëm, janë akuzuar.

I fundit është aktori i njohur amerikan, Morgan Freeman, i cili kërkoi falje për sjellje të pahijshme seksuale.

Weinstein pritet të përballet me akuzat e ngritura nga aktorja Lucia Evans, raporton New York Times.

XS
SM
MD
LG