Një urë e madhe është shembur afër qytetit italian, Gjenova, duke shkaktuar rrëzimin e veturave nga 100 metra lartësi, si dhe vdekjen e të paktën 11 personave.
Ministri italian i Transportit, Danilo Toninelli, ka thënë se ka mundësi që rasti të jetë “tragjedi e madhe”.
Agjencia e lajmeve, Adnkronos ka raportuar se shërbimet e ambulancave lokale kanë njoftuar që “shumë persona kanë vdekur”.
Fotografitë nga vendi i ngjarjes tregojnë një pjesë të madhe me rrënoja nën hapësirën në mesin e urës.
Ura e ndërtuar në vitet e 1960-ta njihet si, Ura Morandi.
Gazeta italiane, La Repubblica, e ka përshkruar këtë pjesë të qytetit si shumë të banuar.
Ura është shembur derisa në qytet binte një shi i rrëmbyeshëm.
