Ndërlidhjet

Kina zotohet për ulje të tarifave tregtare në importe


Presidenti kinez, Xi Jinping.

Kina ka premtuar se do zvogëlojë tarifat në importe dhe do të hapë ekonominë, teksa synon të adresojë kritikat se praktikat tregtare të këtij shteti janë të “padrejta”.

Në një fjalim të mbajtur në një ekspozitë tregtare në Shangai, presidenti kinez Xi Jinping ka mbrojtur sistemin global të tregtisë së lirë, duke thënë se ky i fundit është “nën sulm”.

Këto komente janë përshkruar si adresim ndaj Shteteve të Bashkuara, me të cilat Kina është duke shkëmbyer praktika të ashpra tregtare.

Të dyja këto shtete kanë goditur njëra-tjetrën me tarifa të larta në importe vetëm gjatë këtij viti.

Deri më tani asnjëra palë nuk duket se kërkon kompromis, pasi Shtetet e Bashkuara kanë kërcënuar me përshkallëzim të mëtutjeshëm të situatës.

Shtëpia e Bardhë ka deklaruar se tarifat janë përgjigjje ndaj praktikave “të padrejta” tregtare, me të cilat presidenti amerikan, Donald Trump e arsyeton nxitjen e deficitit të madh tregtar dhe supozimeve për vjedhje të pronës intelektuale.

Përveç tjerash, SHBA kërkon edhe që kompanitë amerikane të kenë qasje më të madhe në tregun kinez.

Mirëpo presidenti kinez, pavarësisht deklaratave për zvogëlim të tarifave dhe zotimeve të tjera, nuk ka përmendur se cilat shtete do të jenë shënjestër e masave të reja dhe se a përfshihet SHBA-ja në listë.

XS
SM
MD
LG