Ndërlidhjet

MB e Serbisë: Nuk ka raportim për sulm të armatosur nga territori i Kosovës


Ilustrim

Ministria e Punëve të Brendshme e Serbisë ka njoftuar se në policinë serbe nuk është raportuar asnjë sulm i personave të armatosur nga Kosova në zonën e fshatit Rastelicë të Kurshumlisë.

Sipas njoftimit, në këtë zonë janë plaçkitur disa shtëpi në të cilat nuk banon askush.

Njoftimi nga ana e ministrisë së Brendshme serbe bëhet pas raportimeve të disa mediave se rojtarët e pyllit në këtë zonë kishin lajmëruar policinë pasi dëgjuan të shtëna nga territori i Kosovës.

"Duke pasur parasysh se në këto shtëpi nuk jeton askush, policia menjëherë i informoi pronarët. Më pas u gjet se janë vjedhur një pushkë gjahu, një sharrë elektrike dhe disa mjete të ndryshme” thuhet në njoftimin e ministrisë.

Zyra e prokurorisë kompetente është informuar nga ana e policisë dhe po merr masa dhe veprime për të përcaktuar rrethanat e ngjarjes, thuhet në njoftim.

XS
SM
MD
LG