Ndërlidhjet

Venezuela sërish mbetet në errësirë


Ilustrim

Venezuela sërish ka mbetur pa energji elektrike. Gjatë këtij muaji, kjo është hera e dytë që vendi mbetet në errësirë, përderisa qeveria iu tha nëpunësve dhe nxënësve të qëndrojnë në shtëpi.

Qeveria e presidentit të kontestuar, Nicolas Maduro, ka fajësuar Shtetet e Bashkuara për problemet me energjinë elektrike, duke thënë se një "sulm" në rrjetin e saj ka shkaktuar këtë situatë.

Ndërprerja e energjisë shkaktoi mbylljen e bizneseve si dhe paralizoi terminalin kryesor të eksportit të naftës.

Nuk kishte ndonjë shenjë të menjëhershme se ndërprerja ndodhi për shkak të sabotimit.

Rrjeti i energjisë në vend, në shumë pjesë, prej kohësh është parë si i paqëndrueshëm, por kryeqyteti Karakas kryesisht ka qenë i kursyer nga ndërprerjet e energjisë.

Shtetet e Bashkuara e kanë kritikuar Moskën për dërgimin e avionëve ushtarakë rusë në Venezuelë duke thënë se kjo shkakton "përshkallëzim të pamatur" të krizës politike në Venezuelë.

Nuk është e qartë kush ka udhëtuar me këta aeroplan mirëpo një zyrtar i paidentifikuar i SHBA-së, tha se Rusia ka dërguar në Venezuelë personel të sigurisë kibernetike.

Rusia ka shpenzuar miliarda dollarë investime në Venezuelë dhe mbetet përkrahësja më e madhe e presidentit të kontestuar, Nicolas Maduro.

Udhëheqësi i opozitës, Juan Guaido, në janar e shpalli veten si president të përkohshëm. Ai u njoh nga shumë vende perendimore dhe disa prej vendeve fqinje të Venezuelës.

XS
SM
MD
LG