Ndërlidhjet

Ndalohen 52 migrantë në kufirin Hungari-Serbi


Kufiri i Hungarisë me Serbinë

Të mërkurën në mbrëmje pranë kufirit të Hungarisë me Serbinë, policia hungareze gjeti një grup prej 52 migrantësh. Ata u dërguan në një qendër ndalimi për azilkërkues, transmeton Radio Televizioni i Serbisë.

Migrantët nuk posedonin dokumente personale por që të gjithë e kanë deklaruar veten me origjinë afgane.

Vendet e Ballkanit Perëndimor shumë shpesh janë përdorur si tranzit për të kaluar në Evropë nga migrantët e Lindjes së Mesme.

Për të mbajtur nën kontroll çështjen e migrantëve, Bashkimi Evropian ka nënshkruar marrëveshje për ndihmë të kontrollit kufitar me Shqipërinë, Maqedoninë e Veriut, Serbinë, Bosnjë-Hercegovinën dhe Malin e Zi.

Ditë më parë Pesëdhjetë oficerë, 16 makina patrullimi dhe një furgon që vijnë nga 12 vende anëtare të BE u vendosën përgjatë kufirit Shqipëri-Greqi.

XS
SM
MD
LG