Ndërlidhjet

Mediat siriane: Aeroplanët izraelitë kanë sulmuar Sirinë


Foto ilustruese
Foto ilustruese

Izraeli ka ndërmarrë sulme ajrore ndaj objektivave ushtarake qeveritare të Sirisë, afër Damaskut, dhe në provincën Homs.

Agjencia shtetërore siriane e lajmeve, Sana, citoi një pjesëtar të ushtrisë, të ketë thënë se, sulmet ndodhën nga aeroplanët izraelitë që fluturonin në hapësirën ajrore të Libanit.

Sipas kësaj agjencie, katër civilë janë vrarë, dhe 21 janë plagosur nga këto sulme ajrore.

Ushtria izraelite nuk e ka konfirmuar sulmin.

Izraeli ka kryer qindra sulme ajrore, kundër asaj që i përshkruan si objektiva iranianë në Siri, duke përfshirë grupin militant shiit të Libanit, Hezbollah.

Sulmet kanë shkaktuar fërkime midis Izraelit dhe Rusisë, e cila së bashku me Iranin i kanë dhënë presidentit sirian, Bashar al-Asad, mbështetje të rëndësishme ushtarake gjatë gjithë konfliktit në Siri.

Lufta, që tani ka hyrë në vitin e nëntë, filloi me një goditje qeveritare ndaj protestuesve në mars 2011. Ajo ka lënë të vrarë më shumë se 370.000 njerëz dhe ka zhvendosur miliona.

XS
SM
MD
LG