Pakistani rihapi plotësisht hapësirën ajrore për fluturimet civile, gati pesë muaj pas mbylljes, për shkak të një mosmarrëveshjeje me Indinë.
Mbyllja u kushtoi kompanive indiane dhjetëra milionë dollarë, pasi ato janë detyruar t'i devijojnë fluturimet.
Pakistani e ka mbyllur hapësirën e tij ajrore në shkurt, pasi India ka kryer një sulm ajror kundër, siç ka thënë, një kampi për trajtimin e terroristëve në qytetin e Pakistanit, Balakot.
Sulmi ka qenë hakmarrje për një shpërthim vetëvrasës në Kashmir - pjesën e administruar nga India - ku kanë mbetur të vrarë mbi 40 ushtarë indianë.
Vendimi për të rihapur hapësirën ajrore pritet ta ndihmojë në mënyrë të veçantë kompaninë shtetërore të Indisë Air India, e cila ka pësuar më së shumti humbje, pasi është dashur të devijojë fluturimet e saj ndërkombëtare.
Lexoni edhe këtë: Tensione mes dy superfuqive bërthamore, Indisë dhe Pakistanit