Në Zagreb të Kroacisë ka vdekur të hënën një vajzë 15 vjeçe, e cila është plagosur rëndë në tërmetin që ka goditur këtë vend, të dielën.
Lajmi është konfirmuar nga drejtori i Klinikës për Fëmijë në Zagreb, Goran Roiq, raporton Shërbimi i Ballkanit i Radios Evropa e Lirë.
Zagrebi është goditur nga një tërmet prej 5.3 shkallësh të Richterit mëngjesin e së dielës.
Njëzeteshtatë persona janë plagosur - 17 prej tyre më rëndë.
Ministri i Brendshëm i Kroacisë, Davor Bozhinoviq, ka thënë se, sipas vlerësimeve të Shtabit të Krizës, 250 ndërtesa janë dëmtuar.
