Ndërlidhjet

Bie numri i viktimave në Itali për të dytën ditë me radhë


Ilustrim.

Italia ka raportuar të hënën për 602 njerëz të vdekur nga koronavirusi.

Kjo shifër e çon në 6,078 numrin e viktimave në Itali, por, në të njëjtën kohë, tregon se numri i të vdekurve ka rënë për të dytën ditë me radhë.

Të dielën, autoritetet italiane kanë raportuar për 651 të vdekur.

Italia është vendi i goditur më së keqi në Evropë nga koronavirusi, me afro 70,000 njerëz të infektuar.

Javën e kaluar, ajo e ka kaluar Kinën – vendin e origjinës së koronavirusit – me numrin e viktimave.

Aktualisht, Kina ka 3,153 viktima.

Për lajmet e fundit rreth koronavirusit përcilleni blogun e Radios Evropa e Lirë.

XS
SM
MD
LG