Ndërlidhjet

SHBA-ja zvogëlon ndihmën për Afganistanin


Sekretari amerikan i Shtetit, Mike Pompeo.
Sekretari amerikan i Shtetit, Mike Pompeo.

Departamenti amerikan i Shtetit tha se do të zvogëlojë për një miliard dollarë ndihmën për Afganistanin dhe se do të rishikojë bashkëpunimin e tij me këtë vend.

Njoftimi vjen pasi sekretari amerikan i Shtetit, Mike Pompeo, gjatë një vizite në Kabul, më 23 mars, ka dështuar të bindë presidentin Ashraf Ghani dhe ish-shefin ekzekutiv të Afganistanit, Abdullah Abdullah, t’iu japin fund mosmarrëveshjeve që e kanë vënë në rrezik një marrëveshje për paqe, të nënshkruar muajin e kaluar.

Me këtë marrëveshje synohej t’i jepej fund luftës në Afganistan, e cila ka nisur qysh në vitin 2001.

Pompeo njoftoi për zvogëlimin e ndihmës përmes një deklarate të lëshuar të hënën vonë.

Në të thuhet se Pompeo ka shkuar në Kabul me një mesazh urgjent dhe se ka biseduar drejtpërdrejt me udhëheqësit e këtij vendi “për t’i bindur për nevojën e kompromisit, për hir të popullit afgan”.

Sipas deklaratës, Shtetet e Bashkuara shprehin keqardhje të thellë që Ghani dhe Abdullah nuk kanë qenë në gjendje të bien dakord për një qeveri gjithëpërfshirëse.

Këtë muaj, edhe Ghani, edhe Abdullah e kanë shpallur veten president, pas zgjedhjeve të kontestuara të shtatorit.

XS
SM
MD
LG