Ndërlidhjet

Ekonomia greke pritet të tkurret nga 5 deri në 10 për qind


Athinë. 14 prill, 2020.

Greqia pret që ekonomia e saj, gjatë këtij viti do të tkurret nga 5 deri në 10 për qind, si rezultat i kufizimeve të vendosura, për të parandaluar përhapjen e koronavirusit të ri.

“Duket se (ekonomia do të tkurret) në një interval ndërmjet 5 dhe 10 për qind”, tha ministri grek i Financave, Christos Staikouras, gjatë një adresimi televiziv, duke shtuar se vlerësimet mbi ekonominë po ndryshojnë vazhdimisht.

Greqia ka shtyrë deri më 4 maj masat izoluese dhe pritet që të lehtësojë masat ngadalë pas kësaj date.

Sipas të dhënave të Universitetit Johns Hopkins, në Greqi mbi 2,400 persona janë infektuar me sëmundjen COVID-19 që shkaktohet nga koronavirusi i ri dhe 130 kanë vdekur.

Për lajmet e fundit rreth koronavirusit përcillni blogun e Radios Evropa e Lirë.

XS
SM
MD
LG